Jeta
www.jeta.nice-forum.com

ose

www.jeta.tk



 
ForumPortaliGalleryPytësoriKërkoRegjistrohuidentifikimi

Share | 
 

 Pse ateizëm?

Shiko temën e mëparshme Shiko temën pasuese Shko poshtë 
AutoriMesazh
western

avatar

Numri i postimeve : 116
Join date : 05/05/2012

MesazhTitulli: Pse ateizëm?   Sat Aug 25, 2012 7:48 pm

Pse ateizëm?





Ateizmi dikujt ia rrëqeth krejt trupin. Ngjashëm sikur në mesjetë edhe sot në mesin tonë për disa ateizmi është tmerr. Por cili është në të vërtetë ai i çuditshmi në mesin e shqiptarëve: myslimani/krishteri apo ateisti?

"Shqiptaria" si koncept nuk u formua për herë të parë nga rilindësit, e as nuk zbriti nga qielli. Rilindësit, si çdo atdhetar tjetër para tyre, u bazuan në kombin shqiptar, në traditat kombëtare dhe veçanërisht në indiferencën e shqiptarit ndaj fesë.

Këto elemente ekzistonin edhe më herët tek ne, fjala vjen nuk dihet për ndonjë incident gjatë furisë ikonoklastike, as për përndjekje fetare gjatë sundimit të principatave arbërore etj. në territoret shqiptare. Përmbi dhe jashtë feve abrahamike u krijua një ideologji dhe fe shqiptare që i mbulonte të gjithë të tjerat. Në një kohë kur fqinjët ruanin kombin në bazë miletesh, serbë ishin ata që kishin fenë serbe (ortodokse), turq ata që kishin fenë turke (myslimane), grekë ata që kishin fenë greke (ortodokse) etj. U desh që shqiptari të distancohej nga fetë që e lidhnin emocionalisht dhe politikisht me pushtuesit e ndryshëm.

"Shqiptaria" si fe ka ekzistuar gjithmonë, por në shek. XIX, thjesht iu vu emri, i cili u mor natyrshëm nga kombi shqiptar. Kështu kombi shqiptar ishte i sigurt brenda fesë së tij, ky ishte drejtimi i tij, që duhej të ndiqte. Sa është ndjekur deri tani?

Sot, pas një shekulli e më tepër nga rilindja kombëtare, myslimanët dhe të krishterët çdo ditë e më shumë janë duke hequr dorë e madje duke e luftuar një koncept të tillë të fesë shqiptare. Kjo u vjen natyrshëm, sepse shqiptaria u tregua një mbret i dobët që deri më sot lejoi të huajt (islamizmin dhe krishterimin) të vepronin në territorin e tij. E këtu edhe gjejmë përgjigjen e pyetjes "pse ateizëm".

Personalisht më bëjnë të vjellin ateistët që e kanë zgjedhur këtë drejtim pa motive kombëtare, p.sh. dikush që është ateist si amerikanët, si anglezët, gjermanët e gjetiu. Ateizmi tek ne duhet të ketë motivim thjesht kombëtar dhe ateizmi ynë nuk duhet kurrë të na shoqërojë me ateistë të kombeve tjera - e kjo bëhet lehtë, për faktin se ateizmi nuk është ideologji, ndërsa si ideologji sërish ne kemi shqiptarinë. Fakti që fetë po përçajnë kombin, po e asimilojnë, po fusin ndikimin e huaj politik e kulturor në vend por dhe në jetën personale të individëve, nuk është më çështje debati. Janë gjëra që shihen me sy.

Ky është një hap i avancuar i shqiptarisë për kushtet e sotme. Ngjashëm sikur kallashnikovit që i montojnë një dylbi për të qenë më efikas, ngjashëm me një snajper, kështu dhe shqiptarisë i ngjitet ateizmi, një veprim që duhet të bëhet më në fund dhe që është dashur të bëhet shumë më herët në shkallë mbarëkombëtare.

Do të ndalemi më tepër te myslimanët meqenëse nga pozitat që flas, në republikën e mezikrijuar të "Kosovës", por dhe në hapësirat e tjera shqiptare, kemi publikisht më shumë myslimanë.

Myslimanët e kanë të qartë që nuk janë të gjithë njësoj. Ka që thjesht quhen të tillë, pse ka qëlluar të lindin në atë komunitet. Festojnë festat islamike pse kështu "iu ka met". Por ka edhe aso myslimanë, që janë "myslimanë të vërtetë", që kur flasin ta merr mendja që ke të bësh me një turk, arab, a ndoshta dhe deri ndonjë alien prej Marsi. E kam fjalën për ata që e shikojnë historinë nga një prizëm turk, që shajnë ata shqiptarë që nuk e lejuan turkun të pushtojë vendin tonë, që i konsiderojnë figura kombëtare disa princa të dështuar që u bënë rrogëtarë të turkut dhe i lanë eshtrat nëpër Iran e Siri, që shajnë edhe autorët e shkrimeve të para në gjuhën shqipe etj. Këtu nuk ka vend për debat, janë tradhtarë realë, që shihen me sy.

Problemi i ndërlikuar është se "myslimanët e thjeshtë" janë viktima (jo dhe pa faj siç duan të pretendojnë), meqenëse në emër të tyre flasin pikërisht këta agjentët e Turqisë dhe tradhtarët e tjerë nga "myslimanët e vërtetë". P.sh. hoxhallarët e rangjeve të larta si Shefqet Krasniqi e të tjerë, janë haptas agjentë e tradhtarë, njerëz të shkombëtarizuar, por është pikërisht ky Shefqet që kërkon xhami mes Prishtinës në emër të atyre "90% myslimanëve" të tjerë, shumica e të cilëve ngjashëm sikurse unë kurrë në jetën e vet nuk ka hyrë brenda në ndonjë xhami.

A duhet të bëjnë diçka këta "myslimanët e thjeshtë" meqë dikush në emër të tyre kërkon xhami për të zënë hapësirat publike, në emër të tyre ofendon Gjergj Kastriotin, në emër të tyre shan shqiptarët, në emër të tyre propagandon pushtimin e kaluar dhe "të ardhshëm" turk? Po! Patjetër që duhet të bëjnë diçka! Para se "myslimanë të thjeshtë" këta janë shqiptarë. Detyrë e tyre është që të mbajnë fenë e tyre shqiptarinë që ka përparësi ndaj çdo kulture tjetër.

Për sa kohë shqiptaria u pranua vullnetarisht nga komunitetet fetare, edhe shqiptaria i pranoi këto komunitete me zemërgjerësinë e saj. Por kur komunitetet fetare filluan të bëjnë rebelime kundër shqiptarisë, tashmë këto komunitete nuk mund të pranohen sepse përbëjnë rrezik për jetën e kombit.

Në fakt unë vërej tri palë njerëz, që dallohen mes vete varësisht nga veprimet që ndërmarrin. Janë një palë që mbështesin haptas dhe me gjithë zemër shqiptarinë - ateizmi për ta është thjesht mungesë e feve të huaja. Janë dhe një palë tjetër që kalojnë në ekstremizëm islamik, pikërisht këta të sipërpërmendurit agjentë të Turqisë apo thjesht të shkombëtarizuarit e çdo kategorie.

Por është dhe pala e tretë, e cila përkundër bindjes së përgjithshme, është dhe më e dëmshmja. Janë këta kokulurit, "myslimanë të thjeshtë", që demek nuk shprehen kundër kombit, respektojnë Gjergj Kastriotin etj., por janë pikërisht këta që po lejojnë që elementet antikombëtare si Shefqet Krasniqi me kompani të flasin në emër të tyre. Janë këta që kur i pyet dikush "Çka je?", të përgjigjen "Jam mysliman", por mysliman është edhe ai që po shan shqiptarët, Gjergj Kastriotin, heronjtë tanë etj. Atëherë pse nuk dallohesh prej tij, që të mos mbash fajin e tij?

"Jam shqiptar!" - është përgjigjja e shenjtë. "Feja jem osht shqiptaria!" - është dhe kjo përgjigje e shenjtë.

Para erës së re, shqiptarët me në krye Lekën e Madh u vërsulën nga Iliria drejt Lindjes, kurse në erën e re, prej kohësh po ndodh e kundërta, nga Lindja po vijnë joshqiptarë, halldupë likurazez, të pavlerë si puna e Erdoganit me shokë, e krejt kjo si pasojë e përgjumjes ku na ka futur feja.

Në vend të lavdisë së "Sulejmanit" të retushuar televiziv që po e shikoni nëpër seriale, do të pranojmë lavdinë e Lekës. Në vend të gjykimeve kulturore e personale me bazë fetë e huaja, do të gjykojmë kombëtarisht, historikisht, me vullnetin tonë dhe jo të të tjerëve.

Kur ndodh që të mund dikush, nuk ka si lëvdohesh se sa i fortë qenka ai që të mundi. Por lufton të mbizotërosh, lufton të vendosësh vullnetin tënd, lufton si shumë heronj para nesh që u është gdhendur emri me germa të përjetshme në historinë kombëtare.

Mbi këto shtylla, e mbi shtylla tjera, që i di gjithkush shqiptar pa qenë nevoja të bëhemi eksplicitë, ngrihet shqiptaria.
Mbrapsht në krye Shko poshtë
 
Pse ateizëm?
Shiko temën e mëparshme Shiko temën pasuese Mbrapsht në krye 
Faqja 1 e 1

Drejtat e ktij Forumit:Ju nuk mund ti përgjigjeni temave të këtij forumi
Jeta :: ~MISTERE~ :: Konspiracion-
Kërce tek: